Паян пирĕн шкулта чăваш чĕлхи кунне паллă тăваççĕ. Ир-ирех, вырăс çынни-и е мари-и вăл, тутар е ирçе, пурте ĕç кунне чăвашла сывлăх суннипе пуçларĕç. Кун хушшинче вĕренекенсем пĕр-пĕрне тата вĕрентекенсене илемлĕ чăваш юррисемпе саламларĕç.
Чăваш чĕлхи кунне И.Я.Яковлев çуралнă кунĕнче паллă тăваççĕ. Иван Яковлевич Яковлев — чăваш халăхĕн çутлăхçи. Вăл çĕнĕ чăваш çырулăхне йĕркелекенĕ.
Чăваш чĕлхи – тăван чĕлхе
Эс – чун пахи, эс – чун уççи.
Чăваш чĕлхи – тăван чĕлхе
Пин чĕлхерен чи çепĕççи!
